АҞӘА, ԥхынҷкәын 22 - Sputnik. Аԥсны алашара арцәара аамҭеихша ҿыц алагалоуп ҧхынҷкәын 23 инаркны.
Уахыки-ҽнаки рыла ауааԥсыра лашарада ԥшь-сааҭк иҟазаауеит — ҩ-сааҭк — ҽынла, ҩ-сааҭк —уахынла ҳәа аанацҳауеит "Амшынеиқәафымцамч".
Ԥхынҷкәын 23 инаркны Урыстәыла Аԥсныҟа агуманитартә ҳасабала афымцалашара аашьҭра иалагоит, абри атәы Sputnik иазеиҭеиҳәеит "Амшынеиқәафымцамч" аиҳабы Ҭемыр Џьынџьал.
Иара иазгәеиҭеит, иалагалоу алашара арцәара аамҭеихша инақәыршәаны иаарышьҭуа афымца амчхара ажьырныҳәа-жәабран рзы иҳазхоит.