АҞӘА, ԥхынҷкәын 23 - Sputnik. Агәыҳалалратә фонд "Ашана" 2012 ашықәс инаркны 2024 шықәса абҵарамза анҵәамҭанӡа ӷәӷәала ичмазҩу ахәыҷқәа рыхәшәтәразы 149,8 миллион мааҭ еизнагеит.
Ҳазҭоу ашықәс азы афонд иалнаршеит уаанӡа аиҳа еиҳаны аԥареизгара – 42,2 миллион мааҭ, уи 2023 шықәса аасҭа 30 миллион мааҭ рыла еиҳауп.
Афонд адиректор Мактина Џьынџьалԥҳа лажәақәа рыла, шықәсык иалагӡаны 47-ҩык ахәыҷқәа Урыстәылеи, Ермантәылеи, Аԥсни иреиӷьу ахәшәтәырҭақәа рҿы 60 инареиҳаны курс ирхысит. 300-ҩык инареиҳаны ахәыҷқәа аортопедцәеи, аневрологцәеи, апсихиатрцәеи рҟынтәи хәыда-ԥсада абжьгарақәа роуит.