АҞӘА, ԥхынҷкәын 24 - Sputnik. Аҟәа, Џьонуа имҩаду аҿы иҟоу Адгәыр Ҳаразиа иҩны еилкаам џьоукы еихсит ԥхынҷкәын 24 рзы.
Авидео акьыԥхит Аԥсуа телехәаԥшра. АТ ишаанацҳауа ала, аҩны ианеихсуаз аамҭазы Ҳаразиа иҭаацәа аҩны иҟан, аӡәгьы ааха имоуӡеит.
Ԥхынҷкәын 19 рзы Апарламент аҿы иҟалаз ахысраан дшьын адепутат Вахтанг Гәаланӡиа, дхәын адепутат Кан Кәарҷиа. Гәҩарас ирымоу Адгәыр Ҳаразиа аҭыԥ аҟынтәи иҽиӡеит.
Ԥхынҷкәын 21 рзы Аҧсны Жәлар Реизара адепутатцәа изаамҭанытәим аилатәараҿы еицҿакны Адгәыр Ҳаразиа идепутаттә кьымсра ихырхит.