АҞӘА, ажьырныҳәа 9 - Sputnik. Аԥсны афымцамч азы ахәԥҵәақәа 2025 шықәса ажьырныҳәамза 1 инаркны ирыцлеит ҳәа Sputnik иазеиҭеиҳәеит Аенергетикеи атранспорти рминистр инапынҵақәа назыгӡо Џьансыхә Нанба.
Ахәԥҵәа ҿыцқәа ралагалара мҩаԥысуеит 2022 шықәса мшаԥымзазы Аԥсны Аиҳабыра ахархәара змоу афымцамч ахәԥса шьаҿа-шьаҿала аизырҳаразы ирыдыркылаз ақәҵара инақәыршәаны.
Адокумент инақәыршәаны, 2026 шықәсанӡа азыԥҵәа амҽхак есышықәса аҽаԥсахлоит.