АҞӘА, ажьырныҳәа 18 - Sputnik. Қьырса Иӡаахра аныҳәа ахь ицо Камантәи амҩан русура рӷәӷәахоит Аԥсны аҳәынҭавтоинспекциа аусзуҩцәа.
Аҳәынҭавтоинспекциа аиҳабы Дамеи Аҩӡба иажәақәа рыла, есышықәса ари амш аҽны арахь иаауа амашьынақәа рацәоуп, арныҟәцаҩцәақәакгьы амҩатә ԥҟарақәа еиларгоит.
Уи адагьы амҩа иқәҵаар алшоит, амашьынақәа уи иазыҟаҵатәуп.
Қьырса Иӡаахра Аныҳәа азы ацқьа Василиск иӡыхь аҿықәаҟны аныҳәара мҩаԥгахоит уаха. Аиашахаҵаратә уахәама аиҳабы аб Виссарион иажәақәа рыла, ари амш аҽны аӡқәа зегьы ԥшьахоит, Аԥснытәи аиашахаҵаратә қьырсианцәа аӡиасқәа рымацара ракәымкәа, амшын аҿгьы рыҽӡаархыр рылшоит ҳәа.