АҞӘА, ажьырныҳәа 20 - Sputnik. Аԥсны зҽаԥсазтәыз ажурналист, арратә корреспондент, аорден "Ахьӡ-аԥша" ахԥатәи аҩаӡара занашьоу Даур Инаԥшьба иԥсҭазаара далҵит. Абри атәы Sputnik иазеиҭарҳәеит Аԥсны ажурналистцәа реидгыла аҿы.
Даур Инаԥшьба Аԥсуа радио аҟны аусура далагеит 23 шықәса анихыҵуаз. Уи ашьҭахь дҭалоит Москватәи аҳәынҭқарратә университет ажурналистика афакультет, уи даналга ашьҭахь агазеҭ "Аԥсны ҟаԥшь" аҟны аусура далагеит.
1990 шықәса инаркны Аԥсуа телехәаԥшраҟны аусура далагеит. Аԥсны жәлар Рџьынџьтәылатә еибашьраан Мраҭашәаратәии Мрагыларатәии афронтқәа рҟны арратә корреспондентс дыҟан. "Агәымшәаразы" амедал ианашьан.
Даур Инаԥшьба 65 шықәса дырҭагылан.