АҞӘА, ажьырныҳәа 21 — Sputnik. Ареспубликаҿы ашәҟәы иҭагалам Аԥсны атәылауаа аҳәынҭқарра ахада иалхрақәа рҿы атәылауаҩшәҟәи абжьыҭаразы азин шрымоу зырҵабыргуа ашәҟәи рыла абжьыҭара рхы аладырхәуеит ҳәа аанацҳауеит Алхратә комиссиа хада.
Алхратә зин азы аршаҳаҭга алхҩы хаҭала Алхратә комиссиа хадаҿы ирҭоит жәабран 5 инаркны 15 рҟынӡа.
Аршаҳаҭга ишаҳәоу ала, атәылауаҩ алхырҭатә ҭыԥ хада алхырҭатә ҭыԥ аҿы иҟоу асиа-цҵахьы дадырбоит.
Алхратә биуллетен анрырҭо, аршаҳаҭга рымхны, асиа-цҵа иацырҵоит.