Ԥхынҷкәын 13 инаркны ихацыркын акамшьиа акра. Аԥышәатә ӷбақәа иаадырԥшит, аԥсыӡ макьана аҽшеиднамкылац, аӡы аԥхарра уи алшара анаҭом, ҳәа азгәеиҭеит Ҷыҭанаа.
"Иахьазы ику 1218 кьыла роуп. Хә-ӷбак амшын Еиқәа иху аԥсыӡ ҭыргоит, еиҭа ԥшьба аидара мҩаныргоит. Х-фирмак роуп макьана иҭыҵхьоу. Аӡы ахьшәашәара иацлар, аԥсыӡ ҟалар алшоит", -ҳәа иҳәеит Ҷыҭанаа.
Аекологиазы аҳәынҭқарратә еилакы ахантәаҩы инапынҵақәа назыгӡо иажәақәа рыла, уажәнатә аԥсыӡкра аԥҟарақәа еилазгаз ыҟоуп, аматериалқәа рыҭҵаара иаҿуп. Иара дазааҭгылеит аурыс ҳәаахьчаҩцәеи дареи русуцеира атәы аԥсыӡкра аамҭазы.
Инарҭбааны аиҿцәажәара шәаҳар шәылшоит аудиофаил аҟны.