АҞӘА, ажьырныҳәа 23 — Sputnik. Аԥсны аҳазалхратә еилакы адыррақәа рыла, иахьазы аҳәаа иахыгоуп 37 300 тонна ацитрустә шәырқәа, абри атәы иҳәеит Ақыҭанхамҩа аминистр инапынҵақәа назыгӡо иабжьгаҩ Алик Логәуа, арадио Sputnik аинтервиу аҭо.
Даҽа аамҭанык еиԥшымкәа 2024 шықәсазтәи амандаринатә сезони иара аҽаҩра ахаҭабзиареи бзиан иҳәеит иара.
Логәуа иажәақәа рыла, ақыҭанхамҩа аҿиара апрограмма аҳәаақәа ирҭагӡаны ацитрусқәа рыхәшәтәразы 10 миллионк инарзынаԥшуа рыхә ахәшә аахәаны ишьҭан араионқәа рҟны.
Ақыҭанхамҩа аминистрра хылаԥшра анаҭоит ацитрус аҳәаа ахыгара аус шеиҿкаау, анхаҩы шаҟа ихашәалаз уҳәа иҳәеит Логәуа.