АҞӘА, ажьырныҳәа 25 - Sputnik. Гал ӡыла аиқәыршәара азгәаҭоуп ажьырныҳәа 25 ахәылԥаҽха, абри атәы Sputnik иазеиҭеиҳәеит Гал ақалақь анхамҩатә усбарҭа аиҳабы Дмитри Адлеиба.
"Аӡы ахьыцәцоз еиҭашьақәыргылоуп, урҭ ҩ-ҭыԥк рҟны фыџьара-бжьыџьара иацәцон. Аусура ахыркәшаразы иҷыдоу атехника аҭахуп, аекскаватор ааихьеит", — иҳәеит иара.
Гала ауааԥсыра хымш ҵуеит аӡыда иҟоуижьҭеи аӡымҩангага хадаҿы аӡы ахьацәцоз иахҟьаны.