АҞӘА, ажьырныҳәа 26 - Sputnik. Очамчыратәи абаӷәазаҿы аконтеинертә терминал иҳаҩсыз ашықәс анҵәамҭазы аусура иалагеит ҳәа арадио Sputnik иазеиҭеиҳәеит аекономика аминистр лабжьгаҩ Октаи Хазириши.
Уи аргылара аларшахеит Аԥсни Урыстәылеи еицымҩаԥырго альготатә кредитҟаҵара аинвестпрограммала.
"Иҳаҩсыз ашықәс азы аиқәшаҳаҭрақәа зыбжьаҳҵаз аклиентцәеи аилахәырақәеи ҳареи аимадарарақәа шьақәҳаргылеит. Иаҳҳәар алшоит, уажәы аргылара ахархәараз аусура ҳалагоит ҳәа", — иҳәеит Хазириши.
Иазгәеиҭеит, атерминалтә хархәагақәа зегьы ҷыдала аиқәыршәара зҭаху акомплекстә программа ашьаҭала аус шыруа, Аԥсны уи аҩыза шыҟам. Сменак аҩнуҵҟа атерминал аҿы адәыӷба авагонеиԥшьырак аидара аус адулара шалшо.
Атерминал Урыстәылантәи ахԥатәи атәылақәа рахь аидара адкылареи анагареи рзы амҩанысратә коридор иахәҭакны иҟалоит. Уи адәыӷбамҩақәеи иаҭаху зегьы рылеи еиқәыршәахоит, насгьы 1200 контеинер рыҵәахра азгәаҭоуп.