АҞӘА, ажьырныҳәа 30 - Sputnik. Аԥсны ахада иалхра абжьыҭаразы Урыстәыла иҟоу алхырҭатә ҭыԥқәа ҩба маҷуп ҳәа иҳәеит RT аинтервиу аҭо Аԥсуа культуратә центр "Аԥсны" аиҳабы Уасил Ҷанба.
"Урыстәылатәи Афедерациҿы ирацәаны алхырҭатә ҭыԥқәа раартра иааизакны Аԥсны абжьыҭараҿ хра злоу анырра анаҭоит", - ҳәа азгәеиҭеит иара.
Ҷанба иҳәеит, абжьыҭара азин змоу Аԥсны атәылауаа 11-нызқьҩык рҟынӡа Урыстәыла ишынхо.
Иазгәеиҭеит, Ҟәбан инхо абжьыҭаразы хымш иреиҵамкәа амҩа ишықәхо, насгьы уи зегьы ишрылымшо.