АҞӘА, ажьырныҳәа 30 - Sputnik. Аԥсны ауааԥсыра Урыстәыла рыдыркылоит ииашоу партниор-тәылак, ҩызак аҳасаб ала ҳәа иҳәеит Асоциалтә маркетинг аинститут (ИНСОМАР) аполитикатә анализ азы адиректор Виктор Потуремски Асоциалтә ҭҵаарақәа ринститут имҩаԥнагаз астол гьежь аҟны.
2025 шықәса ажьырныҳәамзазы имҩаԥгаз аҭҵаарақәа иаадырԥшит ареспубликаҿы Урыстәыла иадгыло аҳра шрымоу.
"Иҵоуроу азыҟазаашьақәа аемоциатә ҩаӡарала ирылацәажәоит... Урыстәылатәи Афедерациеи Аԥсни рпартниортә еизыҟазаашьақәа акыраамҭеи хаҭабзиаралеи Урыстәыла егьырҭ атәылақәа зегьы рҟынтәи иахьалнахуа даара акраҵанакуеит", — ҳәа иҳәеит Потуремски.
Иара инаҵшьны иазгәеиҭеит, ареспублика асуверенитет ахьчара аҭаххар, Аԥсны атәылауаа шақәгәыӷуа Урыстәыла артниорк аҳасабала иқәгылап ҳәа.
Ари аҭҵаара амҩаԥгара шьақәнарӷәӷәеит Аԥсны ахада иусбарҭа ҳәа инаҵшьны иазгәеиҭеит Потуремски.