АҞӘА, жәабран 4 - Sputnik. Ауаажәларратә гәаанагара аҭҵааразы Урыстәылазегьтәи ацентр (ВЦИОМ) ишьақәнарӷәӷәоит Аԥсны ахада иалхрақәа рҟны Бадра Гәынба аԥыжәара шааникыло.
Аелектронтә ԥхьаӡагақәа ишазгәарҭо ала, алхыҩцәа рхыԥхьаӡара 42,3% рыла аԥхьагылара имоуп Бадра Гәынба.
Иара иаоппонент Адгәыр Арӡынба идгылара азы агәазыҳәара аазырԥшыз 27,3% мацара роуп.
Иахьа аҵыхәтәантәи мшуп асоциологцәа азакәан ала аҭҵаара алҵшәақәа ркьыԥхьразы азин анрымоу.
Аԥсны ахада заанаҵтәи иалхрақәа мҩаԥысуеит жәабран жәохә рзы.