АҞӘА, жәабран 18 – Sputnik. Урыстәылатәи аруаа ДЖәР аҿы ақыҭа Иамполовка ахы иақәиҭыртәит ҳәа аанацҳауеит Урыстәыла Атәылахьчара Аминистрра.
"Арратә гәыԥ "Запад" арҟәшақәа рганахьала агәаӷьра ду аарԥшра иабзоураны Донецктәи Жәлар Рреспублика иаҵанакуа аиланхарҭа Иамполовка ахақәиҭтәра алыршахеит", - ҳәа аҳәоит акьыԥхьмҭаҿы.
Урыстәылатәи аоперативтә-тактикатә авиациа, БПЛАқәа, аракетатә армчқәа, артиллериа Украина арра-ҳаирбаӷәазақәеи аенергетикатә инфраструктуреи, БПЛАқәа рыҵәахырҭақәеи, 144 раион рҿы аӷа ируааи итехникеи еизаны иахьыҟаз ааха рырҭеит.
Аҳауаҽацәыхьчаратә системақәа икарыжьит HIMARS иатәу 14 реактив система, 73 украинатә дрон. Арратә операциа иалагазар иҭархоуп: 653 ҳаирыплан, 283 вертолиот, 43772 аԥырҩы дызҭам ахархәагақәа, 594 зенит-ракетатә комплекс, 21502 танки акәылӡымашьынеи, 1518ареактивтә система, 21815 артиллериатә шьақәгылеи аминаршәгақәеи, 31775 ак аибашьыгатә автомобилтә техника ҷыда.