АҞӘА, жәабран 24 - Sputnik. Аԥсныҟа иаарышьҭуа афымцалашара аԥкрақәа ралагалара аԥыхуп ҳәа аанацҳауеит "Амшынеиқәафымцамч".
Урыстәыла аҵакыраҿы иҟалаз аиԥҟьара шьақәыргылоуп.
Уаанӡа, "Амшынеиқәафымцамч" анапхгаҩы Ҭемыр Џьынџьал Sputnik иазеиҭеиҳәахьан Аԥсныҟа афымцамч аашьҭразы аамҭалатәи аԥкрақәа алагалахоит Урыстәыла аҵакыраҿы иҟалаз аиԥҟьара иахҟьаны ҳәа.
Иазгәеиҭеит, Урыстәылантәи афымцалашара 40 мегаватт раасҭа еиҵаны ишҳауа. Иҳәеит макьана аамҭеихша алагалара шазгәаҭам, зегь реиҳа аидара иаҵоу астанциа маҷқәа дырцәар шыҟало.