АҞӘА, жәабран 24 - Sputnik. Аԥсныҟа афымцамч аашьҭразы аамҭалатәи аԥкрақәа алагалахоит Урыстәыла аҵакыраҿы иҟалаз аиԥҟьара иахҟьаны ҳәа Sputnik иазеиҭеиҳәеит "Амшынеиқәафымцамч" анапхгаҩы Ҭемыр Џьынџьал.
"Уажәы Урыстәылатәи Афедерациа аҟынтәи ҳара иҳауеит 40 мегаватт раасҭа еиҵаны, ари аамҭалатәи ԥкроуп. Ҳара астанциа маҷқәа ԥшьба русура аанаҳкылахьеит. Уаҟа аҭагылазаашьа шеиӷьхалак, ҳаргьы афымцалашара аиура еиҭашьақәҳаргылоит", — ҳәа иҳәеит иара.
Џьынџьал иазгәеиҭеит, макьана аамҭеихша алагалара шазгәаҭам, зегь реиҳа аидара иаҵоу астанциа маҷқәа рҿы идырцәар ҟалоит.