АҞӘА, хәажәкыра 3 - Sputnik. Аԥсны ахада инапынҵақәа назыгӡо Бадра Гәынба аилатәара мҩаԥигеит аиҳабыра алахәылацәа алархәны ҳәа аанацҳауеит атәыла ахада ипресс-маҵзура.
Еиуеиԥшым ахырхарҭақәа русбарҭқәа рҭагылазаашьазы ажәахәқәа дырзыӡырҩит, иазгәеиҭеит Аиҳабыра реилазаара ҿыц ашьақәыргылара иазымԥшӡакәан иҟоу азҵаарақәа рыӡбаразы ҩнапыкала аус рурц.
Гәынба аиҳабыра ҭышәынтәаланы русура аиҿкаара инапы ианиҵеит аԥыза-министр ин.н. Владимир Делба.