АҞӘА, хәажәкыра 3 - Sputnik. Аԥсны Алхратә комиссиа хада ирыланаҳәеит атәыла ахадас дшалху Бадра Гәынба, атәыла ахада ихаҭыԥуаҩыс Беслан Бигәаа.
Алхрақәа аҩбатәи атур аҿы Бадра Гәынба рыбжьы ирҭеит 54 954-ҩык алхыҩцәа.
Абжьыҭара инеит 70% алхыҩцәа. Рыбжьы рҭиит 100 412-ҩык Аԥсны атәылауаа.
Иалху аҳәынҭқарра ахада иҭоубашьҭаҵара мҩаԥгахоит абжьыҭара аҵыхәтәантәи алҵшәақәа анрыларҳәаз 30 мшы рышьҭахь.
Хәажәкыра аказы Аԥсны имҩаԥысит атәыла ахада иалхрақәа аҩбатәи атур. Атәыла ахадарахьы иқәгылан, жәабран 15 рзы имҩаԥысыз алхрақәа актәи атур аан еиҳаны абыжьқәа зауз акандидатцәа Бадра Гәынбеи Адгәыр Арӡынбеи.