АҞӘА, хәажәкыра 3 - Sputnik. Аԥсны аԥыза-министр ин.н. Валери Бганба имаҵура аанижьит, абри атәы иара Sputnik иазеиҭеиҳәеит.
Аминистрцәа реилазаара ахада инапынҵақәа назыгӡо атәы иара издырӡом.
Бганба аԥыза-министр инапынҵақәа анагӡаҩыс дҟаҵан абҵарамза 20 рзы. Иара ари аҭыԥаҿ диԥсахит жәабранмзатәи ақәгыларақәа рышьҭахь, аиҳабыреи аоппозициеи рхаҭарнакцәа ирыбжьарҵаз аиқәшаҳаҭра апунктқәа руак ишаҳәоз ала зҭыԥ аанзыжьыз Александр Анқәаб.