АҞӘА, хәажәкыра 3 - Sputnik. Аԥснынтәи Урыстәылаҟа амимоза аиагара хацыркуп ҳәа аанацҳауеит "Россельхознадзор".
Хәажәкыра ҩба инаркны "Россельхознадзор" азин ҟанаҵеит Аԥсны Аҳәынҭқарра аҵиаақәа ркарантинтә маҵзура ахәдықәҵарала ареспублика аҟынтәи аҵиаақәеи, аиҭаҳатәқәеи, иԥҟоу ашәҭқәеи, адекоративтә ҵиаақәеи риагаразы.
Аԥснынтәи амимоза аиагара аанкылан жәабран 22 инаркны. Урыстәылатәи акарантинтә маҵзура излаанацҳауа ала, ииаргоз ашәҭқәа рҿы иԥшаан калифорниатәи ашәҭқәа ртрипс.