АҞӘА, хәажәкыра 3 - Sputnik. Алхраԥхьатә кампаниа мариамызт, аха ҳауаажәлар рычҳара иаанарԥшуеит ҳара ихьыԥшым аҳәынҭқарра аргыларазы ишәхьоу демократиатә уаажәларраны ҳшыҟалахьоу ҳәа инаҵшьны иазгәеиҭеит иалху Аԥсны ахада Бадра Гәынба.
Иара Алхратә комиссиа хада алахәылацәа рыпрофессионалтә усуразы, азинхьчаратә усбарҭақәа русзуҩцәа – акандидатцәа рыдгылаҩцәа рыбжьара аиҿагылара аԥырҟәҟәааразы ҭабуп ҳәа реиҳәеит.
Иалху Аԥсны ахада ихаҭыԥуаҩ Беслан Бигәаа аҳәынҭқарра ахада иалхрақәа рҿы зыбжьы зҭииз зегьы ҭабуп ҳәа реиҳәеит.
"Алхрақәа уадаҩны имҩаԥысуан, аха ҳара урҭ зегьы ҳариааит. Ҳара иаҳаҿагылан зыбжьы зҭиизгьы, зегьы иҭабуп ҳәа расҳәар сҭахуп, ҳара жәларык ҳауп. Ҳҳәынҭқарра хәарҭара азҭар зылшо зегьы аус рыцура ҳазхиоуп", — ҳәа инаҵшьны иазгәеиҭеит иара