Аԥсны

Бадра Гәынба Владислав Арӡынба диижьҭеи 80 шықәса аҽазыҟаҵаразы адҵа ҟаиҵеит

Sputnik
АҞӘА, хәажәкыра 4 - Sputnik. Аҳәынҭқарра ахада инапынҵақәа назыгӡо Бадра Гәынба Аԥсны раԥхьатәи ахада Владислав Арӡынба диижьҭеи 80 шықәса аҵразы аусмҩаԥгатәқәа рҽазыҟаҵаразы адҵа ҟаиҵеит.
Агәалашәаратә усмҩаԥгатәқәа рымҩаԥгаразы иҷыдоу акомиссиа аԥҵахоит.
"Сшәыҳәоит иаарласны апрограмма аԥҵара напашәыркырц, иаҳзаанхаз аамҭа маҷуп. Ари акыр зҵазкуа хҭысуп", — ҳәа азгәеиҭеит Гәынба.
Владислав Арӡынба диит 1945 шықәса лаҵара 14 рзы.