АҞӘА, хәажәкыра 6 - Sputnik. Аԥсны атәылауаа рзы Урыстәылатәи атәылауаҩшәҟәқәа риура аус ирццакхоит ҳәа аҳәамҭа ҟаиҵеит Урыстәыла ахада ипресс-маӡаныҟәгаҩ Дмитри Песков.
"Ари аус ирҽеины ирццакхоит, зегь раасҭа ихадоу – Аԥсны атәылауааи изызҳауа ахәыҷқәеи рзы ирманшәалахоит. Урыстәыла ахада изы ари аԥыжәара змоу усны иҟоуп" — ҳәа реиҳәеит ажурналистцәа.
Уаанӡа, Урыстәыла ахада Владимир Путини Аԥсны ахада инапынҵақәа назыгӡо Бадра Гәынбеи реиԥылараан ҩ-тәылауаҩрак аиура азҵаарақәа ирылацәажәан.