АҞӘА, хәажәкыра 6 - Sputnik. Урыстәылатәи аруаа ДЖәР аҿы иҟоу аиланхарҭа Андреевка ахы иақәиҭыртәит ҳәа аанацҳауеит Урыстәыла Атәылахьчара аминистрра.
"Ар ргәыԥ "Центр" аҟәшақәа Донецктәи Жәлар рреспубликаҿы иҟоу аиланхарҭа Андреевка ахы иақәиҭыртәит", - ҳәа азгәаҭоуп акьыԥхьымҭаҿы.
Урыстәыла аоперативтә-тактикатә авиациеи, аԥырҩы дызҭам ахархәагақәеи, аракетатә ари артиллериеи арратә ҳаирбаӷәазақәа ринфраструктура, УкрАм лашарала еиқәзыршәоз афымцамчстанциақәа, аԥырҩы дызҭам ахархәагақәа рыҵәахырҭақәеи разыҟаҵарҭақәеи, аракета-артиллериатә бџьар ашьҭаҵарҭақәеи, 154 раион рҿы украинатәи ари аҳәаанырцәтәи аибашьцәеи, аӷа итехникеи ааха ӷәӷәа рырҭеит.
Иара убас, аҳауаҽацәыхьчаратә хархәагақәа икарыжьит JDAM ҳәа изышьҭоу авиациатә бомбақәа ԥшьба, аицҭырҟьаратә системақәа HIMARS, "Ураган" ареактивтә ракетақәа хԥа, украинатәи адронқәа 67.
Арратә операциа ҷыда иалагазар иҭархоуп: 656 ҳаирплан, 283 вертолиот, аԥырҩы дызҭам ахархәагақәа 45 385, 600 ЗРК, 21 998 танки егьырҭ аибашьыгатә кәылӡмашьынақәеи, РСЗО амашьынақәа 1523, артиллериеи аминаршәгақәеи 22 299, иҷыдоу аибашьыгатә автомабилтә техника 32 470 ак.