АҞӘА, хәажәкыра 6 - Sputnik. Тҟәарчал араион аҿы инхо ахаҵа даанкылоуп ауаҩшьразы гәҩарас дҟаҵаны ҳәа аанацҳауеит Аԥсны Аҩнуҵҟатәи аусқәа рминистрра апресс-маҵзура.
Уарча ақыҭан инхо, 59 шықәса зхыҵуа Лиа Гурцкаиа дишьит ҳәа гәҩарас дрымоуп 34 шықәса зхыҵуа Беглар Чачуа.
Хәажәкыра 2 рзы Аҩнуҵҟатәи аусқәа рминистрра аҟәшахьы Гурцкаиа дшыӡыз азы адырра ҟалеит, анаҩс лԥсыбаҩ абнаҿы иԥшаан, Очамчыра аганахьала 50 метра ареспубликатә мҩаду хада инацәыхараны.
Аҭҵаара мҩаԥнагоит Очамчыра араион апрокуратура.