АҞӘА, хәажәкыра 7 - Sputnik. Аҟәа Аԥсны Афырхацәа раллеиа ашьаҭа ркит. Тарас Шамба ипарк аҿы 80 рҟынӡа азеиҭынҵла, афотиниа, аосмантус, акамелиа, акаллистемон ҵлақәа еиҭарҳаит.
Ауснагӡатә иҭахаз аибашьцәа ргәалашәара иазкуп, Аиааира агара 80 шықәса ахыҵра иақәыршәаны еиҿкаауп.
Аусмҩаԥгатә ихы алаирхәит Аԥсны ахада инапынҵақәа назыгӡо Бадра Гәынба, уи Аџьынџьтәылатә еибашьра Дуӡӡа алахәылацәа ргәалашәара аиқәырхара аҵак ду шамоу азгәеиҭеит.
"Ари аибашьра иалахәын Асовет Еидгылаҿ аҭынчра ахьчара зхы ақәызҵаз Аԥсны ауааԥсыра. Иахьа ҳара урҭ ргәалашәара ҳацуп, зыбзоурала аринахысгьы аҿиареи аизҳазыӷьареи ҳалшо аибашьцәа дуқәа рыхьӡқәа ҳахьчоит", — ҳәа инаҵшьны иазгәеиҭеит Гәынба.
Аусмҩаԥгатә иахьа Гали Тҟәарчали ақалақьқәа рҿы имҩаԥысит, лаҵарамзазы Гәдоуҭа ақалақь аҿы аҵлақәа реиҭаҳара азыԥхьагәаҭоуп.
Ари аҩыза акциа 2020 шықәса раахыс имҩаԥысуеит ИАЕ "Агәалашәара абаҳча", Урыстәылазегьтәи ауаажәларратә еиҿкаара "Аиааира ахатәгәаԥхарауаа", Аиааира аԥызацәа ргәалашәара Афонд раԥшьгарала.