АҞӘА, хәажәкыра 7 - Sputnik. Аԥсни Урыстәылеи рартистцәа злахәыз Жәларбжьаратәи аҳәса рымш иазкыз аныҳәатә концерт ду хыркәшоуп Аҟәа.
Ҩ-сааҭк инареиҳаны ахәыҷқәа инадыркны адуцәа рҟынӡа ахәаԥшцәа зегьы Ахақәиҭра ашҭаҿы бзиа еицырбо артистцәа ирыцшәаҳәон, ирыцкәашон.
Еизаз рҿаԥхьа аконцерт иалагаанӡа иқәгылеит Аԥсны ахада ҿыцс иалху Бадра Гәынба, Аԥсны иҟоу Урыстәыла ацҳаражәҳәаҩ Михаил Шургалин, Урыстәылатәи Афедерациа Ахада Ауаажәларратә проектқәа рзы иусбарҭа аиҳабы Сергеи Новиков.
Асценаҿы иқәгылеит артистцәа - агәыԥ "Руки Вверх!", Mia Boyka, Хаҭуна Ҭарба, Хабиб, Ҭемыр Ҭаниа, Ильда Қәычбериа, Игорь Николаев уҳәа убас егьырҭгьы.