АҞӘА, хәажәкыра 10 - Sputnik. Cынтәа Аԥснынтәи Урыстәылаҟа ииаргеит 400 тонна инареиҳаны амимоза ҳәа аанацҳауеит Урыстәыла Афедералтә ҳазалхратә маҵзура.
Ари иҳаҩсыз ашықәс азы ишьҭыз аасҭа ҩынтә еиҳауп, усҟан 240 тонна рҟынӡа ишьҭын.
Есышықәса хәажәкыра 8 аламҭалазы 25-50 тонна ашәҭ аиагаразы ашәҟәқәа дырхион, аидара ишахәҭоу агәаҭара иахсуан.
Аҳәаа ианахыркалак ашьҭахь, ашәҭшьыҵәрақәа Краснодар, Москва, Ростов уҳәа Урыстәыла ақалақьқәа рахь идәықәырҵон.