АҞӘА, хәажәкыра 11 - Sputnik. Асахьақәа реицлабра "Аҟазара аҳәаақәа" хацыркуп Аԥсны.
Иреиӷьу аусумҭақәа рыла ирԥшӡахоит Шәачеи Аҟәеи рыбжьара иааиԥмырҟьаӡакәа аныҟәара иалаго адәыӷба "Ласточка", иара убас ашколқәеи ауадарацәа змоу анхарҭаҩнқәеи рыҭӡамцқәа рҿы мурал ҳасабла икыдҵахар ҟалоит.
Аицлабра иалахәхар ҟалоит 7 шықәса инаркны 17 шықәсанӡа зхыҵуа Аԥсны атәылауаа. Асахьақәа еиуеиԥшым атехникақәа рыла инагӡазар алшоит, иара убас акомпиутертә графика ахархәарагьы ҟалоит, абри атәы аанацҳауеит Аҵара аминистрра апресс-маҵзура.
Арзаҳалқәа рыдыркылалоит хәажәкырамза 17 рҟынӡа.