АҞӘА, хәажәкыра 13 - Sputnik. 2024 шықәсазы Аԥсны ауаҩы изинқәа рыхьчаҩ лыхьӡала 103 ҩыралатәии ҿырҳәалатәии зыҳәа нашьҭын, абри атәы лҳәеит Анас Кьышьмариаԥҳа, Аԥсны Жәлар Реизара аилатәараҿы.
Ари 2023 шықәсазтәи арбагақәа раасҭа 39 рыла еиҳауп.
"Ахазырхақәа рҿы иарбази агәаҭарақәа раан иаарԥшыз аилагарақәеи, иара убасгьы аинформациатә хархәагақәа иқәдыргылаз азҵаарақәа рыӡбаразы, Ауаҩы изинқәа рзы азинмч змоу аҳәынҭқарратә усбарҭақәеи аҭыԥантәи анапхгаратә усбарҭақәеи активла аус рыцылуеит", — ҳәа азгәалҭеит Кьышьмариаԥҳа.
Аомбудсман лажәақәа рыла, аҩны амч ахархәареи, аҳәсеи зықәра намӡац ахәыҷқәеи рзинқәа реилагарақәеи еиҳа-еиҳа актуалра роуа иалагеит.