АҞӘА, хәажәкыра 17 - Sputnik. Аилацәажәара-еилыркаагатә маҵзура аартуп Аԥсны ахәыҷқәа рыхьчаразы Азинмчы змоу иаппарат аҟны.
"Аиуристи апсихологи рыцхыраара зҭаху азҵаарақәа цәырҵуеит. Ариԥышәаратә проектуп, аиԥш зеиԥшу амаҵзура аҭахны иахьынӡаҟоу ҳаилныркаауеит", — лҳәеит ахәыҷтәы аомбудсмен Мактина Џьынџьалԥҳа.
Абри аномер 3535 ала аҭел иасыр ҟалоит аусутә мшқәа рзы асааҭ 10:00 инаркны 17:00 рҟынӡа, аԥсшьара аамҭа — 13:00 — 14:00 рзы.
Апроект адгылаҩцәа — Аԥснытәи амобилтә еимадарақәа. Дара аномер рырҭеит, аҭел асра хәыдаԥсадоуп ҳәа азгәалҭеит Џьынџьалԥҳа.