АҞӘА, хәажәкыра 17 - Sputnik. Ареспубликатә мҩаду аҟны иқәыргылоу афото-авидео гәаҭагақәа ҿыцқәа аусура иалагоит хәажәкыра 20 инаркны, абри атәы иҳәеит Аҳәынҭқарратә автоинспекциа аиҳабы Дамеи Аҩӡба.
Амҩан иқәыргылоу акамерақәа ишьақәдыргылоит:
амашьына аласра,
инеиуыжьу ацәаҳәа ахысра,
ашәарҭадаратә маҟа аныҟәымгара,
аԥсҟы зку ҭелла данцәажәо.
Аҟәа инаркны Ԥсоунӡа ареспубликатә мҩаду аҟны 23 камера ықәыргылоуп.
Даҽа 20 ықәыргылахоит Аҟәа-Гал амҩа хәҭаҟны.