АҞӘА, хәажәкыра 18 - Sputnik. Аԥхын Аԥсны Урыстәылантәи 2,5 миллионҩык атуристцәа аднакылар алшоит ҳәа аанацҳауеит Урыстәылатәи атуриндустриа аидгыла.
Урыстәыла Адәныҟатәи аусқәа рминистрра Аԥсныҟа аныҟәарақәа рҽырцәыхьчаразы иҟанаҵаз абжьгарақәа анаԥырх ашьҭахь, атуроператорцәа иҵегьы аизҳара иақәгәыӷуеит. Асезон анҵәамҭазы атуристцәа рхыԥхьаӡара 18% инаӡар алшоит.
Атәыла ахада иалхрақәа рышьҭахь Аԥсны зыԥсы зшьар зҭаху рхыԥхьаӡара аизҳара иалагеит. Уажәтәи арбагақәа иҳаҩсыз ашықәс иаԥнагоит. Аԥсшьаразы аҭахрақәа рхыԥхьаӡара аизҳара рыдырҳәалоит Аҟәатәи аҳаирбаӷәаза аартреи, Шәачантәи Аҟәаҟа "Ласточка" аареи, амазут амшын алалара иахҟьаны Анапа иҟоу аҭагылазаашьеи.