АҞӘА, хәажәкыра 18 - Sputnik. Атомкласс ҿыц аартхоит Очамчыратәи ашколқәа руак аҟны "Росатом" адгыларала.
Иахьа имҩаԥысит Аԥсны аҵара министр ин.н. Инал Габлиеи "Росатом" ахаҭарнакцәа Наталиа Шурочковеи Оксана Малафеевеи реиԥылара.
Атомтә ҵара аҿиара — аенергетикатә усхк аҟны аус зуша акадрқәа реиҵааӡараҿы зеиӷьыҟам шьаҿоуп иҳәеит Габлиа.
"Росатом" ажәалагала ҟанаҵеит акласс ҷыда ахьыҟало алкааразы Очамчыра араионтә школқәа рыбжьара аицлабра мҩаԥгазарц.
"Атомклассқәа" - "Росатом" иаланарҵәаз программоуп, уи 2011 шықәса раахыс ашколқәа рҿы иԥсабаратәуи аматематикатәи ҵараиура арҿиаразы иалагалоуп. 2021 шықәса раахыс Аԥсны арҭ рҩызцәа аклассқәа хәба аадыртхьеит: Пицунда ҩба, Аҟәа, Тҟәарчал, Тамшь акака.