АҞӘА, хәажәкыра 18 - Sputnik. В. Арӡынба ихьӡ зху жәларбжьаратәи аҟәатәи аҳаирбаӷәазахь аусуразы ирыдыркылахьеит 319-ҩык ҳәа Sputnik иазеиҭарҳәеит Аенергетикеи атранспорти рминистрраҿы.
Урҭ рҟынтәи 270-ҩык Аԥсны атәылауаа роуп ҳәа азгәарҭеит аусбарҭаҿы.
Аҳаирбаӷәаза 1993 шықәса раахыс аус ауамызт. Урыстәыла алархәны аиҭашьақәыргыларақәа ирылагеит 2023 шықәсазы.
Иааиԥмырҟьаӡакәа ареисқәа мҩаԥырго иалагоит лаҵара 1 инаркны.