АҞӘА, хәажәкыра 18 - Sputnik. Лыхны ақыҭан аиҿахысра ҟалеит хәажәкыра 17 рзы ҳәа аанацҳауеит Аҩнуҵҟатәи аусқәа аминистрра апресс-маҵзура.
71 шықәса зхыҵуа Оҭари Гәымбеи 32 шықәса зхыҵуа Алмасхан Гәымбеи аимак рыбжьалеит, рҩыџьагь ахәрақәа роуит. Ахҭыс ҟалеит ҳәа адырра ҟалеит асааҭ 19:00 рзы.
Оҭари Гәымба Гәдоуҭатәи араионтә хәшәтәырҭахь днаргеит, Алмасхан Гәымба — Ареспубликатә хәшәтәырҭаҟны дышьҭоуп. Аусҭҵаара цоит.