АҞӘА, хәажәкыра 19 - Sputnik. Аҳауатә ҭагылазаашьа иахҟьаны Аԥсны ааԥынтәи алаҵаратә усурақәа сынтәа ихьшәаны ихацыркхеит.
Уажәазы, ареспубликаҿы 11-нызқь гектар инареиҳаны ацәаӷәаратә дгьылқәа ыҟоуп, урҭ рҟынтәи 2-нызқь гектар инареиҳаны Ақыҭанхамҩа аминистрра аус адырулоит ҳәа иҳәеит аусбарҭа амеханизациа аҟәша аиҳабы Асҭамыр Асланӡиа.
Ҳазҭоу ашықәс азы гектарк адгьыл ацәаӷәара 5273 мааҭ иаԥсахоит, ачалтра — 1680 мааҭ инаркны 2530 мааҭ рҟынӡа. Ахә абылтәы-хьшьтәқәа рыхәԥса иаҿырԥшхоит.