АҞӘА, хәажәкыра 19 - Sputnik. Аԥсни Урыстәылеи русеицура аурыс бызшәа мацара акәымкәа, аԥсуа бызшәагьы аҵанакуеит.
2024 шықәсазтәи аусуратә уснагӡатәқәа рнапы аҵарҩит Аԥсны аҵара аминистр инапынҵақәа назыгӡо Инал Габлиеи Урыстәыла аҵара аминистр Сергеи Кравцови.
"Ҳара ҳбызшәа аиқәырхараҿы ауадаҩрақәа ҳамоуп, аха аԥсуа бызшәа аҿиареи аҟазаареи рзы иалшо зегь ҟаҳҵоит", — ҳәа иҳәеит Габлиа амедиагәыԥ "Урыстәыла иахьа" апресс-центр аҿы имҩаԥысыз астол гьежь аҿы.
Аԥсны аурыс бызшәа амилаҭбжьаратә еинырра иабызшәоуп ҳәа азгәеиҭеит иара. Ареспубликаҿы иара убасгьы иҭрыжьуеит аурыс бызшәа иазку аметодикатә цхыраагӡақәеи арҵага шәҟәқәеи.