АҞӘА, хәажәкыра 19 - Sputnik. Аԥсны Абанк агәаларшәагатә ԥараҿырп "Диоскуриада" ҭнажьит.
Иара џьазшкәакәала ихҟьоу аџыр иалхуп, 5 граммк рҟынӡа акапануеит. Атираж: 100-нызқь цыра.
Аԥараҿырп раԥхьатәи аган аҿы иарбоуп ажәытәӡатәи Диоскуриа абҩатә ԥара, адихалк, Ахьтәы уасцәа аԥшаара идәықәлаз аишьцәа Диоскуриа рхылԥақәа, ф-кәакьк змоу аеҵәақәа, егьи аган — Аԥсны агерби аԥсарк аноминали.
Асахьаҭыхыҩ: Баҭал Џьапуа.