АҞӘА, хәажәкыра 19 - Sputnik. ИАЕ "Евразиа" аурыс бызшәа адгыларазы ассоциациа аԥнаҵоит.
Ассоциациа, итрадициатәу адоуҳа-цәаҩашәатә беиарақәеи, аҵаратә программақәеи, аурыс культура аҭҵааразы аинфраструктуреи рыларҵәаразы иплатформаны иҟалоит ҳәа иҳәеит Урыстәыла аҵарадырра аминистр Сергеи Кравцов амедиагәыԥ "Урыстәыла иахьа" апресс-центр аҿы имҩаԥысыз астол гьежь аҿы.
"Ииашаҵәҟьаны Урыстәыла Европа атәылақәа рҵарадырра еиԥшым, ҳара акгьы аԥаҳхом, ҳара еихаҳауеит", — ҳәа азгәеиҭеит иара.
Аԥшьгамҭа аҳәаақәа ирҭагӡаны ИАР атәылақәа рҿы аурыс бызшәеи акультуреи рзы Ацентрқәа аартхоит, уаҟа ашколхәыҷқәеи астудентцәеи рҵараҵареи абызшәатә еилазаара рҽалахалареи рыдагьы, арҵаҩцәагьы рзанааҭтә ҟазара аиӷьтәра мҩаԥыргоит.
Иазгәаҭоу ауснагӡатәқәа:
ашколқәа рҿы аурыс бызшәа аклассқәа реиқәыршәара;
аурыс бызшәа арҵаҩцәа рзанааҭтә еизҳараз Ашкол аусура алагара;
ашколхәыҷқәа рзы аурыс бызшәа тәым бызшәаны иазшьаны жәларбжьаратәи аолимпиада амҩаԥгара;
СССР уаанӡатәи атәылақәа рҟынтәи аҿари урыстәылатәи ашәҟәыҩҩцәеи реиԥыларақәа реиҿкаара;
ИАР атәылақәа рҟынтәи ашколхәыҷқәа рыбжьара аимдарақәа рзы апрограмма "Акласстә еиҩызара" алагара.