Хымш рыҩныҵҟа 36 мцакра ыҟан Аҟәа араион аҿы, ари даара ирацәан, ҳәа азгәеиҭеит аиҿцәажәараҿы Кәыҵниа.
"Амашьынақәа уахь изнеиӡомызт, напыла амца аанкылара ҳалҳаршеит. Ҳамчқәа еизымхар аҟынӡа ҳнеир ауеит. Даара ишәарҭоуп аҭагылазаашьа. Иаашаанӡа аҷкәынцәа амца арцәара иаҿын. Ешыра аспортбаза азааигәара агаз ахьыҟарҵо аҭыԥ ыҟоуп. Уахь ицар ҳәа ҳшәон. Иашҭхәа хыхь амца аԥша ӷәӷәа аҵалан аҩнқәа ирзааигәахеит, ауха аӡәгьы дыцәаӡамызт. Амашьынақәа зегьы уахь иҳаман. Раионцыԥхьаӡа амца акын, аҷкәынцәа даара аџьабаа рбеит. Зегьынџьара еибыҳәан ацрарҵазшәа убыс иҟан", - ҳәа еиҭеиҳәеит Кәыҵниа.
Инарҭбааны аиҿцәажәара шәаҳар шәылшоит аудиофаил аҟны.