АҞӘА, хәажәкыра 22 - Sputnik. Гагра ақалақь аҿы амуниципалтә маҵзурақәа рпортал аадыртуеит. Абри атәы Sputnik иазеиҭеиҳәеит араион ахада ихаҭыԥуаҩ Адамыр Ҵышәба.
Иара иажәақәа рыла, апроект ахықәкы хада – араион ауааԥсыра рыԥсҭазаара арманшәалара ауп.
"Ари аҭыԥантәи анапхгаратә усбарҭақәа иҟарҵаша ауп. Ҳара, амаҵзура аҳәынҭқарратә бызшәа, аԥсуа бызшәала аус ауразы ахшыҩзышьҭра аҳҭоит", - ҳәа инаҵшьны иазгәеиҭеит иара.
Ахархәаҩцәа алшара роуеит онлаинла акоммуналтә маҵзурақәа рзы ахә ахшәаара, аилыркаақәа, аквитанциақәа, адокументқәа риура, арзаҳалқәа ралаҵара ҳәа азгәеиҭеит Ҵышәба.
Ари армазеираз иаҭаххоит 6-7 мзы, аусура аларгара азгәаҭоуп 2025 шықәса анҵәамҭазы.