Урыстәыла

Украинатәи адронқәа хәба Ҟрым ажәҩан аҿы икарыжьит

Sputnik
АҞӘА, хәажәкыра 25 – Sputnik. Урыстәылатәи арратә мчрақәа Ҟрымтәи адгьылбжьахаҿы уахыки-ҽнаки рыла Украина адронқәа хәба ҭадырхеит ҳәа аанацҳауеит Урыстәыла Атәылахьчара аминистрра.

"Иҳаҩсыз аҵх иалагӡаны аҳауахьчаратә системақәа Ареспублика Ҟрым ажәҩанҵакыраҿы аԥырҩы дызҭам украинатәи адронқәа хәба ҭадырхеит", - ҳәа аҳәоит атекст аҿы.

Иуҳәар алшоит есыҽны Украинатәи Арбџьармчқәа Урыстәыла аҵакыраҿы адронқәа рыла аобиектқәа рықәлара рҽазыршәоит ҳәа. Ажәыларақәа аҳауахьчаратә системақәа рыла иааныркылоит.