АҞӘА, хәажәкыра 26 – Sputnik. Аҵарадырра ахырхарҭала аусеицура Москва иалацәажәеит Аԥсны аҵарадырра аминистрра анапхгаҩы ин.н. Инал Габлиеи урыстәылатәи иколлега Сергеи Кравцови.
Арҵаҩцәа рыцхыраара, ахәыҷқәа рыԥсшьара аиҿкаара, ашколхәыҷқәа арҵага шәҟәқәа рыла реиқәыршәара, Аԥсны ахәыҷтәы лагери акванториуми рыргылара, аҵаҩцәеи арҵаҩцәеи рзы аԥхынтәи аҵаратә школ амҩаԥгара ирызкыз азҵаарақәа ирылацәажәеит аганқәа, абри атәы аанацҳауеит Урыстәыла аҵарадырра аминистрра.