АҞӘА, хәажәкыра 26 - Sputnik. Аԥсны ажурналистцәа Реидгыла арратә операциа ҷыдаҿы урыстәылатәи ажурналистцәа рҭахара инамаданы адышшылара ҟанаҵеит.
Иҳаҩсыз хымш рыҩнуҵҟа арратә операциа ҷыдаҿы афедералтә АИХ-қәа русзуҩцәа ԥшьҩык ҭахеит: "Известие" акорреспондент Александр Федорчак, аканал "Звезда"аоператор Андреи Панов, аҭыхратә гәыԥ рмашьынаныҟәцаҩ Александр Сиркели, Актәи аканал арратә корреспондент Анна Прокофиева. Даҽа хҩык аахақәа роуит.
Ҳара ҳақәыӡбоит акамереи амикрофони кны ахҭыс еиҭазҳәо ажурналистцәеи аҭынчуааи рышьра. Ахәрақәа змоу ҳколлегацәа иаарласны ргәабзиарақәа шьақәгыларц азы азеиӷьашьарақәа ҳазрышәҭ", — аҳәоит атекст аҿы.