АҞӘА, хәажәкыра 27 - Sputnik. Урыстәыла Ацифратә ҿиареи, аимадареи, амассатә коммуникациақәеи рминистрра ажәалагала ҟанаҵоит "Аветеранцәа рзы" азакәан ахь "Арратә журналистика аветеран" ҳәа ахьӡ алагаларазы. Абри атәы аанацҳауеит аусбарҭа ахатәы Telegram-канал.
"Ҳжурналистцәа аӡәырҩы еилашуа аҭыԥқәа рҿы аус руеит. Урҭ абџьар рымаӡам, арратә усмҩаԥгатәқәа ирылахәӡам, аха есыҽны рыԥсҭазаара ашәарҭара иҭадыргылоит. Рыцҳарас иҟалаз, урҭ рҟынтә џьоукы ахәрақәа роуеит, уимоу иагьҭахоит. Ҳара ҳгәы иаанагоит, арратә журналистцәа аҳәынҭқарра аҟынтәи иназыцҵоу ацхыраара рҭахуп ҳәа", - ҳәа аҳәоит атекст аҿы.
е Ари арратә корреспондентцәеи урҭ рҭаацәа рлахәылацәеи асоциалтә цхыраареи альготақәеи роура алнаршоит.
Уи адагьы, АОҶ (СВО) азонаҿы аус зуа ажурналистцәа рзы зныктәи ашәарақәа рышьақәыргыларазы ажәалагала ҟаҵоуп, урҭ ахәрақәа роур, ма иҭадырхар.