АҞӘА, хәажәкыра 28 - Sputnik. Атеррорист Шамиль Басаев Аԥсны дзырҽхәоз Шәача инхо ауаҩы даанкылоуп, ашьаус хацыркуп ҳәа аанацҳауеит Афедералтә шәарҭадаратә маҵзура.
Иааныркылаз 37 шықәса зхыҵуа Урыстәылеи Аԥсни атәылауаҩ иоуп, иара быжьшықәса рҟынӡа абахҭа дҭаркыр ауеит.
Иара 1991-2006 шықәсқәа рзы Чечентәыла аҵакыраҿы "абџьар зкыз закәаншьаҭадатәи аиҿкаарақәа рнапхгаҩцәа рфырхаҵаратә хаҿсахьа аԥҵарала атеррористтә ус ажәлар рҿаԥхьа арқьиареи апропагандеи" ирызкыз апостқәа Telegram-канал аҿы икьыԥхьуан Аԥсны даныҟаз.