АҞӘА, хәажәкыра 29 - Sputnik. 30 млн мааҭ аҭаххоит аӡиа Риҵахь ицо амҩа аиҭашьақәыргыларазы, иара бгеит хәажәкырамза 15-16 руха. Абри атәы Атәыла ахада ин.н. Бадра Гәынба изеиҭеиҳәеит амилаҭтә парк аиҳабы Адамыр Багаҭелиа.
"Амҩа ҩ-цәаҳәак рыла ишьақәгылоуп. Цәаҳәак амҩанысра ҟалоит, аха ашәарҭара ӷәӷәа ацуп. Абри амҩахәҭа бгар иҿахҵәахоит Ауадҳареи, амашьынақәа ргыларҭеи, аҳәынҭдачеи, ҳара ҳфымцеихшарҭеит, ҳкоммуналтә усбарҭақәеи рахь анеира", — иҳәеит Багаҭелиа.
Ашәарҭара зцу амҩахәҭа аркӡам, аха иахәҭоу адыргақәа рыла икәаршоуп.
Гәынба адҵа ҟаиҵеит акурорттә аамҭа аиаанӡа азҵаара рыӡбарц.