АҞӘА, хәажәкыра 29 - Sputnik. Аџьынџьтәылатә еибашьра Ду иазку амурал Галтәи абжьаратә школ №2 аҭӡамц аҿы ицәырҵит.
Апроект нагӡоуп Аҧсны аҵара аминистрреи Урыстәыла Ахада игрантқәа рфонди рыцхыраарала.
Амурал шьаҭас иаиуит — ахәыҷтәы сахьаҭыхратә еицлабра "Аҟазара аҳәаақәа" аҟны иалкааз асахьа, уи мҩаҧнагон Аҵара аминистрреи Урыстәылатәи ахәыҷтәы-қәыҧштә центри.
Уи аԥхьа Аџьынџьтәылатә еибашьра Ду аҟны игаз Аиааира 80 шықәса ахыҵра иазку амурал ҭыхын Бамборатәи абжьаратә школ аҭӡамцқәа руак аҿы.